Urriaren 22an amaituko da Donostiako merkatariek Donostiako Merkataritzako Sarietan parte hartzeko hautagaitza aurkezteko epea. Sariak San Sebastian Shops-ek, Udaleko Sustapen Ekonomikoko zinegotziak Donostiako Sustapenaren bidez eta Eusko Jaurlaritzako Merkataritza Sailaren laguntzarekin antolatzen ditu.

Aurtengo bosgarren edizioak, ere, egunero-egunerko merkataritza esperientzia berriak eskaintzeko lanean diharduten saltokiak balioan jarri, babestu eta saritu nahi ditu; ; etengabe berritzen dira, beren negozioak (eta, ondorioz, Donostia) erakargarriak, desberdinak eta lagunkoiak izateko, eta, horri esker, Donostiak erreferente izaten jarraitzen du merkataritza-sektorean enplegua eta aberastasuna sortzen.

Parte-hartu nahi duten dendek 4 kategorien artean aurkeztu dezakete euren hautagaitza:

• Merkataritza-ibilbidea: Historia eta ibilbide finkatua duten saltokiak, hirian erreferente direnak.
• Saltoki Berritzailea: Digitalizazioa eta berrikuntzaren alde egiten duten saltokiak.
• Saltoki Jasangarria: Ingurumen- eta jasangarritasun-irizpideen arabera lan egiten duten saltokiak.
• Saltoki Sortu Berria: Duela 5 urte edo gutxiago sortu dira, arrakasta handiz egin diote aurre negozioaren hasierari, eta hazteko ahalmen handia daukate.

Kategoria guztiek izango dute aintzatespena, eta azaroan ospatuko den, Donostiako Merkataritzako Sarien ekitaldian emango dira.

Laguntzarik behar izanez gero, jar zaitez harremanetan gure lantaldearekin.