Programak
Gipuzkoako tokiko merkataritzaren bereiztea eta lehiakortasuna sustatzeko proiektuak.
Gipuzkoa Merkatariak federazioan sektorea eraldatzen laguntzen duten proiektuak diseinatzen ditugu eta haien buru gara. Aldaketa horren eragile gara, tokiko merkataritza lehen mailako sektore gisa finkatzeko.
Ezagutu gure proiektu estrategikoak
SINGULAR DENDAK
Bezeroei erosketa-esperientzia paregabea eskaintzen dieten saltokiak nabarmentzen dituen bereizte-eredua.
Bezeroarentzako arretaren, merkataritza-irudiaren, komunikazioaren eta produktuaren arloetan hasierako diagnostikoa egin ondoren, saltokiei Singular Dendak bereizgarria eskuratzeko aukera ematen dieten hobekuntza-ekintza zehatzak ezartzen laguntzen diegu.
AHOLKULARITZA PERTSONALIZATUA
Aholkularitza pertsonalizatuaren proiektuan, merkataritzari zenbait arlotan aholkularitza ematen dieten profesionalen sarea dugu. Honako arlo hauetan ematen diete aholkularitza, besteak beste: bezeroaren ikuspegia, negozio-estrategia, salmenta-puntuaren antolaketa eta online komunikazioa.
Hori guztia, tokiko merkataritza haztea sustatuko duen ekintza-ibilbidea zehazteko.
CORE EUROPAKO PROIEKTUA
Gure Federazioa da CORE Europako Proiektuaren buru; proiektuak tokiko merkataritzaren digitalizazioa sustatzen du.
Proiektua saltoki bakoitzarentzako digitalizazio pertsonalizatuan datza; zenbait tresnaren eta estrategiaren bidez negozio bakoitzaren heldutasun teknologikoko maila batzuei erantzuten die.
KONEKTATU ZURE BEZEROEKIN
Harreman-marketinean oinarritzen den komunikazio-estrategia funtsezkoa da saltokiaren eta kontsumitzailearen artean lotura iraunkorra sortzeko. Hori dela eta, Gipuzkoa Merkatariak federazioan harreman-marketineko web-orri bat sortzea sustatu dugu, eta hura elkartekide ditugun saltokien esku jartzen dugu.
