Donostiako udalerrian duzu zure establezimendua eta kontratatu duzu edo kontratatzeko asmoa duzu?

Sustapen Sozietateak, Lanbidek kofinantzatuta, langabetuak kontratatzeko laguntza-programa eskatzeko epea ireki du.

Hemendik, argitaratu diren Gipuzkoako Aldizkari Ofizialean sar zaitezke.

Eta hemendik Laguntzen Programa osora. Hona hemen horren laburpena:

HELBURUA
Donostian jarduera-zentroa duten enpresetan Lanbide-Euskal Enplegu Zerbitzuan izena emanda dauden langabeen laneratzea bultzatzea.

ONURADUNAK

• 2024ko urtarrilaren 1etik 2024ko abenduaren 31ra bitartean egindako kontratuak
• Donostian erroldatutako langabeekin
• Kontratu mugagabea eta % 50etik gorako lanaldia.

LAGUNTZAK

• Zortzi mila euroko gehieneko laguntza (8.000,00 €) lanaldi osoko lan-kontratu mugagabe bakoitzeko.
• Lanaldi partzialeko kontratuak lan egindako lanaldiarekiko proportzionalak izango dira, eta lanaldi hori ezin izango da % 50etik beherakoa izan.
• Zenbateko ekonomiko guztiak % 10 igoko dira kontratuak emakumeekin egiten direnean, eta ezingo dira izan kontratatutako pertsonaren urteko soldata-kostuen % 100 baino handiagoak.

Kontratatutako pertsona honako kolektibo hauetakoren batekoa bada, laguntza % 25 handituko da:

• Diru-sarrerak Bermatzeko Errentaren hartzaile titularrak
• 35 urtetik beherakoak
• Iraupen luzeko langabeak
• 55 urtetik gorakoak

AURKEZTEKO EPEA
Eskabideak aurkeztu ahal izango dira laguntza mota bakoitzera bideratutako baliabide ekonomikoak agortu arte, edo 2025eko urtarrilaren 31ra arte.

KONTUAN HARTU BEHARREKO GAIAK

• Gehienez ere 2 laguntza eman ahal izango dira onuradun bakoitzeko.
• Kontratazioaren aurreko 6 hilabeteekin alderatuta, plantilla handitzea ekarri behar du.
• Diruz lagundutako kontratuak indarrean jarraitu behar du diruz lagundu daitekeen aldian (12 hilabete).
• Ez dira diruz lagunduko beste deialdi batean laguntza jaso duten kontratazioak.
• Ez dira onartuko aldizkako kontratu finkoak, ezta aldi baterako kontratuak kontratu mugagabe bihurtzea ere.
• Laguntza guztiak ordainketa bakarrean ordainduko dira, egindako kontratazioaren azken justifikazioaren ondoren emandako zenbatekoaren % 100ean.

Informazio gehiago eta laguntzaren kudeaketa, hemendik
Donostiako Sustapena – Telefonoa 943 482 800