Zein dira zure helburuak lehendakari gisa?

Amarako merkatari eta merkatarien elkarteko lehendakari gisa nire helburuak dira Amarako dendak ordezkatzea eta babestea.
Zuzendaritza Batzordearen bidez hainbat ekintza, estrategia garatzen ditugu gertuko merkataritza, tokikoa, auzokoa balioesteko, funtsezkoa baita auzoek dendak izatea sozializazioaren eta zerbitzuen bidez auzokideen arteko kohesioa lortzeko.

Zer estrategia jarraituko da helburu hori lortzeko?

Sentsibilizazio-kanpainak egitea jendeak auzoan eros dezan.
Amarako dendak ordezkatzea erakundeen aurrean, haien premien eta kezken berri emateko.
Amarako merkataritza-jardueraren garapena balioestea komunikazio-estrategiak, Instagram, Facebook, eta abar erabiliz.

Sektorea nola ari da aurre egiten digitalizazioaren arora egokitu beharrari? Zer aukera identifikatzen dituzu?

Sektorea kontzientziatuta dago, badaki merkataritzak teknologia berrietara, digitalizaziora egokitu behar duela; sektoreak badaki eguneroko jardunean emaitza-kontuak hobetzen eta sare sozialen bidez bistaratzen lagunduko dioten erreminta guztiak erabili behar dituela.

Nola jokatuko du elkarteak arlo horretan?

Merkatariari lagunduz eta aholku emanez behar dituen ekipamenduak, formakuntza eta marketin-estrategiak ezartzeko, eta ezarpen horretarako dirulaguntzak bilatzen eta kudeatzen ere lagunduz.
Horretarako, hainbat programa garatzen ari gara: Core, Implantalaris, ticketbai, etab.